Il-Park tan-Natura ta’ Xrobb l-Għaġin

Xrobb l-Għaġin huwa fix-Xlokk nett tal-gżejjer Maltin fuq medda ta’ ’l fuq minn 155,000 metru kwadru fuq peniżola li toħroġ ’il barra b’veduti xeniċi. Xrobb l-Għaġin huwa wkoll parti minn proġett ibbażat fuq l-edukazzjoni u r-riċerka dwar soluzzjonijiet għal ambjent sostenibbli, bil-għan ġenerali li jiżdied l-użu tal-enerġija rinnovabbli, il-ġestjoni tal-ilma mormi, u s-salwagwardjar tal-bijodiversità.