Id-Domus Romana u l-Malta Fun Trains

Id-Domus Romana huwa attrazzjoni turistika mmexxija minn Heritage Malta. Il-mużew jipprovdi l-viżitaturi bl-opportunità li jieħdu idea tal-ħajja privata u d-drawwiet tal-aristokratiċi Rumani fl-antik. Fid-Domus Romana wieħed jista’ jara art lussuża tal-mużajk u bosta oġġetti ta’ wirt storiku mill-era Rumana u serje ta’ ġebliet tal-oqbra ta’ żmien l-Għarab. Il-Malta Fun Trains imbagħad jieħdu lill-viżitaturi fuq vjaġġ madwar ir-Rabat, u jgħaddu viċin tal-bieb tal-Imdina u Casino Notabile, kif ukoll jidħlu fil-qalba tar-Rabat viċin ta’ siti varji. Waqt dan il-vjaġġ ikun hemm kummentarju dwar il-veduti panoramiċi ta’ Malta u tal-belt kapitali l-antika, l-Imdina.